Na ndiqni

Teknologji

‘Facebook’ vjen me një ndryshim që të gjithë do ta duam

Nga: Albinfo Më: 17 dhjetor 2017 Në ora: 15:34
Facebook

Facebook ka lansuar një veçori të re për t’u dhënë përdoruesve më shumë kontroll në përmbajtjet që duan t’i shohin në faqen kryesore.

Butoni “Snooze” (sy gjumë) i vendosur në këndin e djathtë të një postimi, do të sigurojë “heshtjen” e përmbajtjeve nga një person, faqe apo grup në Facebook për 30 ditë.

Veçoria e re do t’iu mundësojë përdoruesve të mos shohin postimet e dikujt pa pasur nevojë ta fshijnë nga lista e miqve, apo t’ia bëjnë “bllok” dikujt.

Për shembull, nëse keni parë shumë postime politike nga një person dhe ju pengojnë ato mund ta largoni përkohësisht nga faqja kryesore në Facebook “News Feed”, shkruan “TechCrunch”.

Facebooku ka theksuar se kur “Snooze” është në fazën e fundit të skadimit, përdoruesi do të njoftohet nëse dëshiron që t’ia mbyllë postimet personit të caktuar sërish.

Përditësimi tashmë ka nisur të shpërndahet te përdoruesit e rrjetit social.

Albinfo
Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test