Na ndiqni

Prishtina

Ajri i ndotur ‘ngufat’ Prishtinën edhe në mëngjes

Më: 14 nëntor 2018 Në ora: 08:03
Foto ilustrim

Qysh në mëngjes, qytetarët e Prishtinës sot janë përballur me ndotjen e ajrit.

Edhe në mëngjesin e sotëm, cilësia e ajrit në Prishtinë ishte mjaft shqetësuese.

Në bazë të matjes së cilësisë së ajrit nga matësit e Ambasadës Amerikane në Prishtinë, edhe në mëngjesin e sotëm ndotja e ajrit ishte jo e shëndetshme.

Duke u bazuar në matjen e cilësisë së ajrit matësit të Ambasadës Amerikane, në matjen e fundit e cila është regjistruar në ora 07:00, ndotja e ajrit ka qenë jo e shëndetshme dhe ka arritur shkallën e 137.

Ndotja e ajrit në vendin tonë ka filluar që të vërehet më shumë me uljen e temperaturave, madje që nga kjo kohë Prishtina është në mesin e shteteve të botës që janë më të ndotura.

Kjo ndotje e ajrit sipas Ministrisë së Mjedisit dhe Planifikimit Hapësinor (MMPH), është për shkak të përdorimit të thëngjillit, lëndë djegëse kjo që është llogaritur si një ndër shkaktarët më të madh të ndotjes së ajrit.

Duke u bazuar në këtë, Qeveria e Kosovës ka marrë vendim që të ndaloj përdorimin dhe shitjen e thëngjillit, mirëpo në praktikë një vendim i tillë nuk po gjen zbatim të plotë.

Ndryshe, mbrëmë edhe drejtori i Institutit Kombëtar për Shëndetësi Publike (IKSHPK), Naser Ramadani reagoi përmes një shkrimi në Facebook duke kërkuar nga qytetarët të qëndrojnë në shtëpi e të mos hapin dritaret.

Kjo pasi niveli i grimcave të dëmshme në ajër ishte 262pmm.

Image
Lajmi
Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test