Na ndiqni

Politikë

Muhaxheri i LDK-së: Nuk po kuptoj pse Vetëvendosje s’po pranon rinumërimin e votave

Nga: KosovaPress Më: 27 nëntor 2017 Në ora: 16:45
Gazmend Muhaxheri

Gazmend Muhaxheri, anëtar i kryesisë së LDK-së, ka thënë se kjo parti nuk po e kupton përse Vetëvendosje nuk po pranon rinumërim të votave të balotazhit në Prishtinë.

 “Ne mendojmë se është cenuar e drejta e kandidatit tonë Abrashi për rinumërim të votave. Një e drejtë demokratike për të parë a është fitorja ashtu siç është. Nuk po mundemi të kuptojmë frikën e VV-së për rinumërimin të votave. Është proces i hapur dhe normalisht nuk mund të pranohen rezultatet kur ka dyshime. Sikur të ishin të sigurt në fitore nuk do të kishin hezitim për rinumërim të votave për të pasur një rezultat të pranueshëm edhe nga pala jonë”, ka thënë Muhaxheri pas mbledhjes së kryesisë së LDK-së.

Sa i përket Istogut, LDK mendon se është proces kriminal. Aty fitoi Gani Dreshaj i AAK-së pas numërimit të votave me kusht ku mori shumicën për të përmbysur rezultatin ndaj Haki Rugovës së LDK-së. 

KosovaPress
Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test