Na ndiqni

Politika

“Haradinaj tregoi sa i pangopur është për pushtet dhe para”

Albulenë Muji Nga Albulenë Muji Më 31 janar 2018 Në ora: 21:24
Ramush Haradinaj

Gjatë ditës së sotme, kryeministri i Kosovës, Ramush Haradinaj ka pezulluar vendimin për rritjen e pagës së tij dhe të kabinetit qeveritar. Ky vendim erdhi dy ditë pas vendimit të Agjencisë kundër Korrupsionit, ku ka konstatuar si të kundërligjshëm dhe një ditë pas ministri i Financave Bedri Hamza vendosi të mos e zbatoj vendimin e qeverisë për rritjen e pagave.

Lidhur me këtë, analisti Nexhat Haziri e ka quajtur të drejtë vendimin e Agjencisë kundër Korrupsionit dhe se me rritjen e pagës së vet nga Haradinaj qytetarët  panë se sa i pangopur është ai për para dhe për pushtet.

Image
Nexhat Haziri

“Vendimi i AKK-se është i drejtë i cili erdhi pas presionit publik dhe kundërshtimit që qytetarët e vendit e shprehen në mënyra të ndryshme ndaj vendimit të kryeministrit Haradinaj që ia rriti pagën vetes dhe vartësve të tij në shkallë 100 %, në këtë kohë kur vendin e ka kapluar kriza sociale dhe papunësia. Vendimi për ngritjen e pagës së vet, ishte një grykësi e Haradinaj dhe përmes këtij vendimi të tij, qytetarët e panë shumë qartë se sa i pangopur është ky njeri për pushtet dhe para”, ka  thënë ai.

Gjithashtu, Haziri ka shtuar se  vendimi i AKK-së është një vendim që duhet përshëndetur dhe ka vlerësuar vendimin e ministrit Hamza.

“Këtu nuk duhet harruar pa përmendur edhe rezistencën që i bëri vendimit të padrejtë dhe antiligjor për ngritje të pagës së kryeministrit, nga ana ministrit të financave z.Bedri Hamza, i cili me këtë rezistencë ndaj këtij vendimi, tregoj se është një nga të paktë ministra të përgjegjshëm në këtë qeveri”, ka përfunduar Haziri për “Bota sot”.

Komentet
Sondazh A mendoni se qytetarët e Kosovës do të lëvizin pa viza këtë vit?
test