Na ndiqni

Mobile

Shfaqen fotot e telefonit të lirë Pixel 3

Më: 17 nëntor 2018 Në ora: 13:26
Pixel 3

Përpara lansimit të telefonave Pixel 3 dhe Pixel 3 XL nga Google, ka pasur thashetheme që sugjeronin që Google mund të lansoj jo vetëm dy, por tre telefona Pixel për 2018.

Megjithatë lansimi erdhi dhe shkoi vetëm me dy pajisje Pixel 3, por tani fotot e sapo rrjedhura sugjerojnë ndryshe.

Sipas një postimi në blogun rus të teknologjisë Rozetked (nëpërmjet Android Police), ata arritën të marrin pamjet e asaj që duket të jetë versioni “i lirë” i Pixel 3. Me sa duket kjo pajisje ka emrin e koduar “Sargo”.

Bazuar në specifikat e supozuara të telefonit, ne po shohim një ekran IPS prej 5.56 inç me një rezolucion prej 2220 × 1080 pikselë.

Gjithashtu thuhet se do të mundësohet nga procesori Qualcomm Snapdragon 670, 4GB RAM, dhe do të paketojë 32GB hapësirë ruajtëse me një bateri prej 2,915mAh.

Siç vë në dukje Android Police, përdorimi i Snapdragon 670 zakonisht është gjetur në pajisje të përcaktuara kryesisht për Azinë, që do të thotë se ky telefon, Pixel 3 Lite, mund të mos lansohet në tregun perëndimor.

Gjithçka është ende në fazën spekulative mirëpo, duke pasur parasysh interesin e Google në tregjet në zhvillim me platformën e tyre Android Go, ata mund të jenë duke krijuar Pixel të lirë për tregje të tilla.

Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test