Na ndiqni

Kronikë Shqipëri

Drogë, mjete prerëse e celularë në burgjet e Shqipërisë

Nga: Top channel Më: 23 shtator 2018 Në ora: 14:29
Ilustrim

Drejtoria e Përgjithshme e Burgjeve dhe Shërbimi i Kontrollit të Brendshëm kanë zhvilluar një kontroll blic në të gjitha burgjet e vendit, duke sekuestruar drogë, mjete prerëse e telefona.

Të gjitha IEVP-të e vendit është arritur që gjatë një periudhë 3 javore, të kapen:

17 telefona celular, 6 karta sim dhe 9 aksesorë të tjerë telefonash celularë; 135 doza lëndë narkotike e dyshuar kanabis sativa; 27 mjete prerëse të improvizuara nga të burgosurit.

Për shkeljet e konstatuara janë marrë masa administrative për punonjësit përgjegjës të burgjeve. Konkretisht janë pezulluar nga detyra: Shefi i Policisë në IEVP Drenovë të Korçës për thyerje të skemës së sigurisëm Një specialist i grupit të sigurisë në IEVP Drenovë të Korçës, për falsifikim dokumentesh.Një specialist trupe në IEVP Fushë Krujë.

 Janë proceduar penalisht gjithsej 13 persona: 1 punonjës policie për veprat penale të “Shpërdorimit të detyrës” dhe “Futja e sendeve të ndaluara nga personi që ka për detyrë t’i ruajë ato”. 1 punonjës policie për vepren penale të “Falsifikimit të dokumentave”. 11 të dënuar dhe paraburgosur për veprën penale “Futja e sendeve të ndaluara”. 1 familjar i të dënuarit për veprën penale “Futja e sendeve të ndaluara”.

Në bashkëpunim me Policinë e Shtetit janë referuar në organin e Prokurorisë 3 raste për veprën penale “Prodhim dhe shitje e lëndëve narkotike”.

“Forcimi i sigurisë në burgje është një nga shtyllat e reformës së thellë që është ndërmarrë në sistemin penitenciar në vend dhe që po jep rezultate të mira në funksion të rritjes së standardeve të këtij sistemi. Inspektimet dhe kontrollet nga të dyja strukturat në bashkëpunim do të vijojnë në mënyrë intensive”, thuhet në njoftim, raporton Top Channel. 

Komentet
Sondazh A mendoni se qytetarët e Kosovës do të lëvizin pa viza këtë vit?
test