Na ndiqni

Kosova

Kryetari i Kaminices kritikohet nga LDK e PDK

Më: 18 maj 2018 Në ora: 16:57
Qëndron Kastrati

Dega e LDK-së dhe PDK-së në Kamenicë kanë reaguar pas emërimit të Nol Nushit shef të kabinetit të Komunës së Kamenicës nga kryetari Qëndron Kastrati.

Dy partitë opozitarë në Kamenicë vlerësuan se emërimi i Nushit, është fyerje e potencialit të të rinjve të kësaj komune.

“Një kryetar nga Prishtina, me shef të kabinetit nga Gjakova, me drejtor nga Gjilani, të cilët nuk kanë përgatitjen profesionale, edukative dhe nuk i njohin problemet me të cilat ballafaqohen qytetarët e komunës sonë të qeverisin Komunën e Kamenicës është shqetësim jo vetëm për LDK-në, por edhe për gjithë qytetarët”, thuhet në njoftimin e LDK-së.

LDK- Dega në Kamenicë ka shprehur keqardhjen për nxitimin dhe besimin që qytetarët e komunës së Kamenicës i dhanë një subjekti politik, e që sipas LDK-së, erdhi në pushtet me metoda jodemokratike.

Sipas LDK-së, kryetari aktual i Kamenicës Qëndron Kastrati ka injoruar potencialin e kuadrove të kësaj komune. Kjo parti i bën thirrje Kastratit ta ndalë “këtë praktikë fyese ndaj qytetarëve”.

Për emërimin e Nol Nushit si shef të kabinetit të kryetarit në Komunën e Kamenicës ka reaguar edhe dega e PDK-së në këtë qytet.

Në reagimin e Degës së PDK-së në Kamenicë thuhet se nuk kanë asgjë kundër Nol Nushit, por konsiderojnë se ky vendim konfirmon mosvlerësimin e kryetarit të Komunës për qindra-mijëra qytetarë të mirëshkolluar të Komunës së Kamenicës.

“Dega e PDK-së në Kamenicë, konsideron se emërimi në pozita të larta në Komunën tonë, i njerëzve që nuk e njohin fare qytetin, është tregues i qartë se qeverisja aktuale nuk e ka aspak prioritet zgjidhjen e problemeve në Komunë, por vetëm rehatimin e dostave dhe militantëve ngado që ata vijnë”, thuhet në reagimin e PDK-së.

Dega e PDK-së në Kamenicë fton kryetarin e Komunës që të reflektojë seriozitet në punën e tij.

“Nëse edhe më tutje e tregon këtë qasje fyese dhe këtë mospunë, ne e ftojmë kryetarin e Komunës që ta lirojë detyrën dhe të kthehet nga ku ka ardhur, në Prishtinë”, thuhet tutje në njoftim.

Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test