Na ndiqni

Ekonomi

Haradinaj: Banka Qendrore një ndër institucionet më kredibile në vend

Nga: Mediat Shqiptare Më: 7 maj 2018 Në ora: 10:29
Ramush Haradinaj ka pritur sot në një takim guvernatorin e ri të Bankës Qendrore, Fehmi Mehmeti

Kryeministri i Kosovës, Ramush Haradinaj ka pritur sot në një takim guvernatorin e ri të Bankës Qendrore, Fehmi Mehmeti.

Haradinaj në këtë takim, tha se Kosova është me fat që ka një institucion të tillë, që praktikon profesionalizëm dhe efikasitet, duke dhënë gjithë mbështetjen e Qeverisë që ky trend të vazhdojë.  

“Zhvillimi ekonomik dhe stabiliteti financiar dhe bankar janë parametrat kryesor dhe për të cilët është garancë Banka Qendrore. Andaj Qeveria e vendit është e përkushtuar që kjo të vazhdojë, duke ofruar gjithë mbështetjen e nevojshme në këtë drejtim”, tha Haradinaj.  

Guvernatori i Bankës Qendrore të Kosovës, Fehmi Mehmeti, gjatë takimit me kryeministrin tha se Banka Qendrore do të vazhdojë përkushtimin për të mbajtur një sistem financiar stabil, sistem të sigurt të pagesave, konkurrencën e lirë dhe duke ruajtur politikat e përgjithshme ekonomike të Qeverisë.  

Kryeministri Haradinaj theksoi se rritja ekonomike dhe hapja e vendeve të reja të punës, krahas fuqizimit të sundimit të ligjit, janë objektiva kryesore të kësaj Qeverie.

Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test