Na ndiqni

Bota

Jemen, 149 të vrarë në 24 orë. Rebelët synuan portin drejt detit të Kuq

Më: 12 nëntor 2018 Në ora: 08:27
Foto nga sulmi i rebeleve

Të paktën 149 persona, mes të cilëve edhe civilë, janë vrarë në 24 orët e fundit të përplasjeve mes forcave besnike të qeverisë dhe rebelëve në qytetin jemenas të Hodeidas, sipas asaj që informojnë burime mjekësore dhe ushtarake gjatë kësaj të hëne.

Një zyrtar i ushtrisë konfirmoi se 7 civilë kishin humbur jetën, pa dhënë detaje të mëtejshme. Qyteti portual me dalje në detin e Kuq, i kontrolluar nga rebelët Houthi që prej vitit 2014, është një pikë jetike hyrjeje e ndihmave për vendin që po shkon drejt skamjes.

Një burim nga koalicioni ushtarak proqeveritar në Jemen, që gëzon gjithashtu mbështetjen nga aleanca ushtarake e udhëhequr prej Arabisë Saudite, tha se rebelët Houthi u tërhoqën nga një ofensivë madhore që synonte të arrinte dalje në portin e Hodeidas.

Mjekët nëpër spitalet përreth qytetit raportuan se 110 rebelë dhe 32 luftëtarë besnikë të qeverisë ishin vrarë gjatë natës.

Afro 600 persona janë vrarë që prej nisjes së përplasjeve në Hodeida, më 1 nëntor, me këtë të fundit që është një prej qyteteve jemenase me dendësinë më të madhe të popullatës. Rebelët Houthi, nga ana e tyre gëzojnë mbështetjen e Iranit, edhe pse Teherani zyrtar mohon ndihmesën.

Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test