Na ndiqni

Azia

Sulmet ajrore ndaj bazave të ISIS, raportohen mbi 40 viktima në Siri

Më: 18 nëntor 2018 Në ora: 09:26
Siri

Të paktën dyzet vetë, kryesisht gra dhe fëmijë u vranë të shtunën në valën e fundit të sulmeve ajrore të koalicionit të udhëhequr nga Shtetet e Bashkuara, kundër “xhepit” të fundit të mbajtur nga Shteti Islamik në Siri, pranë kufirit me Irakun.

I pyetur për raportimet e sulmeve ajrore në zonën Buqan pranë Hajinit, në brigjet lindore të lumit Eufrat, zëdhënësi i koalicionit konfirmoi se kishte pasur sulme, por mohoi se kishte viktima civile.

Kolonel Sean Ryan, zëdhënësi i koalicionit, tha se “koalicioni merr masa të mëdha për të identifikuar dhe goditur objektivat e duhura të ISIS, në mënyrë që të shmanget viktima civile”.

Agjencia e lajmeve Amaq, e Shtetit Islamik citoi një burim mjekësor që thoshte se 40 vetë ishin vrarë, një pretendim që ishte bërë edhe nga mediat siriane. Të afërmit e familjeve të zonës dhe të mediave siriane thanë se dhjetëra njerëz janë vrarë në dy javët e fundit nga sulmet ajrore të koalicionit në SHBA në Hajin dhe në zonat përreth tij.

Qeveria siriane protestoi pak më shumë se një javë më parë në Organizatën e Kombeve të Bashkuara rreth një sulmi ajror nga koalicioni i udhëhequr nga Shtetet e Bashkuara kundër Shtetit Islamik, ku thuhej se u vranë 26 civilë në Hajin.

Lufta është faza e fundit e përpjekjeve të koalicionit të udhëhequr nga Shtetet e Bashkuara dhe Forcave Demokratike të Sirisë (SDF), për të larguar Shtetin Islamik nga vendi i fundit që kontrollon, në lindje të lumit Eufrat.

topchannel
Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test