Na ndiqni

Aktuale

Veseli përshëndetë marrëveshjet Kosovë-Shqipëri, kërkon zbatimin e tyre

Më: 26 nëntor 2018 Në ora: 14:30
Kryetari i Kuvendit të Kosovës, njëherësh lider i PDK-së, Kadri Veseli

Kryetari i Kuvendit të Kosovës, njëherësh lider i PDK-së, Kadri Veseli, ka përshëndetur marrëveshjet e arritura në mbledhjen e përbashkët të qeverisë së Kosovës dhe asaj të Shqipërisë që u mbajt sot në Pejë.

Por Veseli ka kërkuar zbatimin e plotë të marrëveshjeve ndërsa ka bërë thirrje për thellim të mëtejmë të raporteve Kosovë-Shqipëri.

“Përshëndes punimet e mbledhjes së përbashkët të qeverive të dy vendeve tona, Kosovës dhe Shqipërisë. Nënshkrimi i marrëveshjeve që forcojnë lidhjet tona ekonomike, arsimore, kulturore dhe në shumë fusha të tjera janë një zhvillim pozitiv për qytetarët tanë. Unë besoj se këto marrëveshje, por edhe të tjerat që do të nënshkruhen në të ardhmen, do të gjejnë zbatim të menjëhershëm dhe efikas, e jo të mbesin vetëm pjesë e diskursit tonë publik. Vetëm duke bashkëpunuar ngushtë me njëri-tjetrin, duke ndihmuar njëri-tjetrin, duke promovuar bashkë vlerat tona, ne ndërtojmë një jetë më të mirë për qytetarët tanë dhe një të ardhme më të ndritur për gjeneratat e reja”, ka shkruar Veseli në faqen e tij në Facebook

Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test