Na ndiqni

Aktuale

Deputeti i VV-së: Për të shfuqizuar Ligjin për Gjykatën Speciale PDK duhet t’i përmbushë disa kushte

Nga: Indeksonline Më: 24 dhjetor 2017 Në ora: 14:29
Xhelal Sveçla

Një deputet i Vetëvendosjes ka thënë se Partia e themeluar nga Ibrahim Rugova në vazhdimësi ka qenë kundër Ushtrisë Çlirimtare të Kosovës. Xhelal Sveçla ka thënë se edhe tash me rastin e Gjykatën Speciale, LDK po e mban qëndrimin e njëjtë. Ky zyrtar i Vetëvendosjes ka kushtëzuar votën e partisë së tij për rrëzimin e Speciales me rrëzimin edhe të demarkacionit e asociacionit.

Deklarimet e Dardan Molliqajt se Albin Kurti ishte pro një bashkëpunimi me PDK’në po dalin të sakta.

Vetëvendosje po vazhdon akuzat ndaj Lidhjes Demokratike të Kosovës dhe udhëheqësve të saj.

Kështu, Xhelal Sveçla po thotë se Partia që udhëheq më tetë komuna gjithmonë ishte kundër Ushtrisë Çlirimtare të Kosovës.

Shkas për këtë konstatim, Sveçla e ka marrë qëndrimin e Isa Mustafës për të mos e zhbërë Gjykatën Speciale përmes ndryshimeve ligjore të Ligjit për Dhomat e Specializuara.

“Sot PDK duket se po trembet nga GjS dhe po bën kërkesë për shfuqizimin e ligjit për GjS. Qëndrimi i LDK nga ana tjetër është si zakonisht kundër UÇK, edhe pse vetë këta e kanë mbajtur në pushtet PDK-në për shumë vite, dhe e kanë bërë Thaçin president”, ka shkruar Sfeçla, në një reagim në FB.

Sidoqoftë, ky deputet i Vetëvendosjes ka thënë se për të shfuqizuar Ligjin për Gjykatën Speciale duhet PDK t’i përmbushë disa kushtet, ndër ta edhe largimin e Hashim Thaçit nga pozita e Presidentit.

Po ashtu, ai ka thënë se duhet shfuqizuar edhe marrëveshjen për demarkacion me Malin e Zi dhe marrëveshjen për Asociacionin e Komunave e arritur në Bruksel me Serbinë.

Indeksonline
Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test