Na ndiqni

Aktuale

Haradinaj ofendon deputetin e LDK-së e më pas i kërkon falje

Më: 14 mars 2018 Në ora: 11:06
Ramush Haradinaj

Kryeministri Ramush Haradinaj, gjatë seancës së sotme të Kuvendit të Kosovës, u është drejtuar deputetëve duke folur për qeverisjen e tij.

Gjatë fjalës së tij, ai iu drejtua deputetëve të LDK-së duke i akuzuar ata se e kanë penguar formimin e Ushtrisë së Kosovës.

Madje, gjatë një përplasjeje mes Haradinajt dhe deputetit të LDK-së Arben Gashi, kryeministri i tha atij se “po rren” në lidhje me debatin për formimin e Ushtrisë.

“Arben Gashi nëse jen kanë aty je ka rren sot....Rrej sa të duash është shumë që e dinë që është kështu. Je ka rren o vlla, sa po mundesh”, i tha Haradinaj Gashit.

Gashi më pas e mori fjalën dhe i tha se fjalori i tij është për të ardhur keq, ndërsa mohoi se LDK ka qenë kundër formimit të Ushtrisë në takim me amerikanët.

Më pas, kryeministri Haradinaj u shfaq sërish në foltore dhe i kërkoi falje Gashit për gjuhën e përdorur.

Koha
Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test