Na ndiqni

Aktuale

Vetëvendosje “godet” Haradinajn: Kush mund të bashkëpunojë më me ty, kur ia vendos vetes vulën e tradhtarit?

Nga: Mediat Shqiptare Më: 25 shkurt 2018 Në ora: 11:53
Albin Kurti, Ramush Haradinaj

Lëvizja Vetëvendosje, ka reaguar pas arritjes së marrëveshjes mes partive politike për çështjen e Demarkacionit, duke konfirmuar se nuk do ta votojë këtë Projektligj në seancën e së mërkurës në Kuvendin e Kosovës.

Vetëvendosje, përmes një komunikate për media, marrëveshjen e ka quajtur pazar fjalësh, që ia humbet Kosovës 8,200 hektarë.

VV ka akuzuar kryeministrin Ramush Haradinaj se po jep territorin e Kosovës, vetëm për të mbetur kryeminstër.  

Sipas kësaj partie,  PDK-ja e LDK-ja janë në pajtim për ta shfrytëzuar ambicien vetjake të Haradinajt, vetëm sa për ta kaluar Demarkacionin, duke theksuar se Qeveria mund të bie.

Më poshtë komunikata e plotë e VV-së:

Pas fjalëve të forta në seancën e së premtes në Kuvend, Kryeministri Haradinaj qenka marrë vesh me LDK-në për votimin e demarkacionit me Malin e Zi. E kanë shtuar fjalën "si orientim" për raportin e Komisionit Bulliqi, duke dashur ta krijojnë përshtypjen që edhe po e përfshijmë Raportin që akuzon e rrënon Komisionin Meha, edhe të mos e marrim seriozisht atë. Kështu nuk shkruhen e nuk bëhen ligjet. Ky pazar fjalësh na i humbet 8,200 hektarë njësoj. Ky Projektligj ishte i padrejtë dhe i dëmshëm e tani bëhet edhe më i keq pas këtyre akrobacioneve; ai është krim dhe tradhti që duhet kundërshtuar e nuk duhet legjitimuar.

Brenda vitit AAK-ja ndryshoi qëndrim për demarkacionin. Brenda ditës ndryshoi qëndrim për Komisionin Bulliqi.

Siç duket, PDK-ja e LDK-ja janë në pajtim për ta shfrytëzuar ambicien vetjake të Ramush Haradinajn vetëm sa për t’i kaluar këto projekte të dëmshme. Më pas, kjo qeveri pa numra, edhe ashtu mund të bjerë. Nuk ka gjë më të keqe se sa kthimi në opozitë pas një qeverisjeje të dështuar. Kush mund të bashkëpunojë më me ty, nëse ia vendos vetes vulën e tradhtarit?

Duke qenë se Kryeminstri i njeh mirë të gjitha argumentet kundër këtij versioni të demarkacionit dhe pavarësisht kësaj po do që ta kalojë e bën atë edhe më përgjegjës se të tjerët. Qëndrimi i tij është zmbrampsje. Ai është zmbrapsur me t'u bërë Kryeminsitër dhe po tërhiqet plotësisht tash kur e ka mundësinë që t'ia shpëtojë Kosovës 8,200 hektarë, ose t'i falë ato për të mbetur thjesht Kryeministër. Asnjë lakmi nuk mund të jetë mbi shtetin dhe territorin e Kosovën. Askush nuk është i autorizuar për të nxjerr tokën e shtetit të Kosovës në pazare.

Ne nuk e mirëkuptojmë dhe as e kuptojmë zellin e askujt që shtyn një marrëveshje të tillë për vendin. Lëvizja VETËVENDOSJE! nuk do ta votojë këtë Projektligj të dëmshëm. Lëvizja VETËVENDOSJE! do ta kundërshtojë atë.

Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test