Na ndiqni

Aktuale

Kadriaj: Nuk ka kuptim të thirret interpelancë pa vendim te gjykatës

Nga: Indeksonline Më: 14 shkurt 2018 Në ora: 11:29
Time Kadriaj

Kryeministri i Kosovës, Ramush Haradinaj është thirrur në interpelancë për rritjen e pagave gjatë ditës së nesërme nga partitë opozitare. Kjo seancë ishte paraparë të mbahej të hënën, por me kërkesë të këtyre partive është shtyer për të enjten.

Ndonëse rritja e pagave është dërguar në Gjykatën Kushtetuese dhe deri në një vendim nga ky institucion ajo është pezulluar, përsëri është kërkuar debat në

Kuvend sa i përket kësaj çështje,

Deputetja e AAK-së, Time Kadriaj e quan të pakuptimtë debatin për këtë çështje përderisa është dërguar në Kushtetuese dhe ende nuk ka ndonjë vendim. Sipas saj është dashur të pritet vendimi i gjykatës e pastaj të thirret debat.

“Është shumë e pakuptimit që opozitarët e kanë dërgu këtë çështje në Kushtetuese dhe është pezullu rritja e pagave deri të vendosë Kushtetuesja, por nuk është në rregull, edhe po e dërgon në Kushtetuese. Nuk po pret përgjigje, po thirr interpelancë, nuk e di çka quhet respektim këtu. Unë mendoj që është dashtë me u prit vendimi kushtetues”, tha Kadriaj.

Kadriaj ka kritikuar edhe çështjen e pagave të plotë agjensioneve që votohen nga kuvendi e po ashtu edhe të deputetëve, të cilët kanë paga më të mëdha se kryeministri i vendit.

“Është e pakuptimtë dhe asnjëherë nuk është fol kjo çështje, që plot agjensione që marrin pagë nga Parlamenti i Kosovës i kanë pagat trefish, katërfish ma të madhe se kryeministri dhe që mbajnë mbledhje një herë në muaj. Edhe ne deputetët i kemi pagat më të mëdha se vet kryeministri “, shtoi Kadriaj.

Vendimi për rritjen e pagave është marrë me 21 dhjetor të vitit të kaluar, por është pezulluar deri në një vendim të Gjykatës Kushtetuese./Indeksonline/

Indeksonline
Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test