Na ndiqni

Aktuale

Nuk ka hapsirë për negocim të demarkacionit me kryeministrin malazez, thotë Haradinaj

Nga: lajmi Më: 29 janar 2018 Në ora: 12:25
Ramush Haradinaj

Kryeministri i Kosovës, Ramush Haradinaj ka komentuar vizitën e homologut të tij malazez në Kosovë.

Haradinaj ka theksuar se ky takim ka në fokus thellimin e marrëdhënieve ndërmjet dy vendeve, duke synuar realizimin e një protokolli bashkëpunimi me shtetin e Malit të Zi.

Në konferencën për media pas mbledhjes së qeverisë, Haradinaj deklaroi se me Dushko Markoviqin nuk ka mbetur shumë hapsirë të diskutohet për Demarkacionin, raporton lajmi.net

“Sa i përket demarkacionit tema është në parlament, dhe nuk ka mbetur hapsirë për negocim mes kryeministrave”, ka thënë Haradinaj.

Shefi i qeverisë kosovare ka komentuar edhe deklaratën e Limajt, i cili tha se duhet të gjendet një zgjidhje creative.

Haradinaj theksoi se e mirëpret secilën zgjidhje që i ofrohet për këtë çështje.

“Mirëpres çdo kontribut që ndihmon në gjetjen e zgjidhjes. Jemi të interesuar për zgjidhje, por për momentin nuk kam ndonjë gjë konkrete”, deklaroi Ramush Haradinaj.

Ndryshe kryeministri i Malit të Zi, Dushko Markoviq do ta vizitojë Kosovën më 6 shkurt. 

lajmi
Komentet
Më të lexuarat
Sondazh A mendoni se qytetarët e Kosovës do të lëvizin pa viza këtë vit?
test